Aktuelt område er i hovudsak innanfor arealformål O2 som er avsett til offentleg bebyggelse i eldre plan, men planavgrensing omfattar i tillegg tilgrensande veg og gangveg for å sikre god tilkomst til området. Varsla planområde utgjer om lag 8 daa, der endeleg planavgrensing kan bli justert i planprosessen. Berørte eigedomar er gbnr. 8/72, 8/148, 8/177, 8/178, 8/35, og mindre del av gbnr. 8/166, 8/187 og 8/71. Tiltakshavar for planarbeidet er Aurland kommune.

Formål/bakgrunn for planarbeidet

Formål med planarbeidet er i hovudsak å auke utnyttingsgrad innanfor formål O2 for å kunne legge til rette for vidareutvikling av dagens helsetilbod ved Aurland Helsetun. Planlagde tiltak omfattar etablering av nybygg, ombygging av delar av eksisterande bygg, samt sanering av eldre bygningsmasse på staden. Nybygg vil vere på 4 etasjar og skal blant anna huse nye omsorgsbustadar, pasientrom, fellesareal, kontor, lager og andre fellesfunksjonar, samt parkering i kjellar.

I kommuneplanens arealdel 2008-2020 (planID: 2009001), er aktuelt område for eldre reguleringsplan for Skinnarviki – Tjøresva (planID 1641_1421-1997002) merka Restriksjonsområde, område unntatt for rettsvirkning. I eldre reguleringsplan er aktuelt område avsett til Offentlig bebyggelse (O2), Kjørevei, Gate m/fortau, Gang-/sykkelvei, annen veigrunn.

Utgreiingsbehov

Endring av plan er i hovudsak tenkt i føresegn til plan, men det vil også være aktuelt å vurdere justering av eksisterande tilkomst i fylkesveg for å sikre god tilkomst til nytt og eksisterande bygg innanfor området.

Det er utført oppstartsmøte med Aurland kommune den 22.12.2020. Der vart det vurdert at planlagde tiltak ikkje vil gå ut over hovudrammene i gjeldande plan, og heller ikkje berøre viktig natur- og friluftsområde, og at planarbeid derfor kan handsamast som mindre endring av gjeldande plan etter plan- og bygningslova §12-14, 2. avsnitt. Det er lagt opp til felles prosess med behandling av reguleringsendring og byggesak etter §12-15 i PBL. Planarbeidet er såleis vurdert å ikkje utløyse krav om konsekvensutgreiing (KU).

Tema som skal vurderast særskilt i planarbeidet er blant anna; Landskap og estetikk, trafikktryggleik, universell tilkomst, m.fl. Verknad av desse vil bli vurdert i planomtalen/søknad om endring, i tillegg til utarbeiding av ROS-analyse.

Medverknad

Fagmynde, grunneigarar/naboar mf.l vert inviterte til å kome med innspel gjennom varsling og kunngjering av planoppstart.

Kunngjering og høyringsfrist

Planarbeidet blir kunngjort i avisa Sogn Avis den 23.01.2021, på Aurland kommune sine nettsider: www.aurland.kommune.no og iVest Consult as sine nettsider www.ivestconsult.no.

Dei som har innspel, merknader eller spørsmål til planarbeidet kan vende seg til iVest Consult as, innan 20.02.2021

Adr: Strandgata 15, 6905 Florø. Epost: post@ivestconsult.no Tlf. 97627000/95741102