Næringsutvikling og bedriftsrådgjeving

Aurland kommune sit med eit konsesjonsavgiftsfond med midlar merka for nærings og samfunnsutvikling i kommunen. I utgangspunktet er det to søknadsrundar i året, men dette kan variera. Søknadsfrist vert annonsert på nettsida til kommunen.  

Det er òg andre moglege ressursar tilgjengeleg for deg.  

På denne sida finn du litt informasjon om tilboda til Sognefjorden Næringshage AS, Kunnskapsparken Vestland, Spire-etablerarprogram for invandrarar, Innovasjon Norge, Kompetansenavet Vest og Vestland fylkeskommune. I tillegg finn du nyttig informasjon frå NAV og andre nettsider med informasjon til verksemder.  

SOGNEFJORDEN NÆRINGSHAGE AS  opererar Næringshageprogrammet i regionen i lag med Sogn Næring, og er ein del av SIVA sitt landsdekkande nettverk av næringshagar og skal leggje til rette for auka verdiskaping, vekst og utvikling av norsk distriktsnæringsliv. Næringshageprogrammet skal òg bidra til at fylkeskommunen si rolle som regional utviklingsaktør vert styrka. Den fremste styrken til Næringshagen er å vera ein kopling mellom verksemder, kompetansemiljø og andre tenesteleverandørar. Dei tilbyr òg målbedriftsavtalar til små og mellomstore verksemder som ynskjer vekst, utvikling og omstilling. Dei har kontor sentralt i Aurland.  

Miljøfyrtårn er eit norsk offentleg sertifikat som syner at verksemda har høg standard på å drive miljøvenleg, og har eit solid fokus på arbeidsmiljø. For at ei verksemd skal verta sertifisert som miljøfyrtårn må dei ha miljømål som er konkrete, målbare og lønsame på fleire nivå.  

Aurland kommune er involvert i ulike prosjekt og samarbeid i regionen. Dette kan vera prosjekt internt i kommunen, med lokale samarbeidspartnarar eller interkommunale prosjekt.  

GNIST 2022-2023 

Korleis kan kommunen saman med innbyggjarar, næringsliv og organisasjonslivet kome saman om å skape framtidas bygdeturisme? I januar 2022 gjekk Aurland kommune inn i eit nyskapande samarbeidsprosjekt med kommunane Luster og Sogndal for å finne moglege løysingar på dei felles utfordringane innan høgt besøkstrykk og smale vegar, og samtid auke trivsel og tilbod i lokalsamfunna. Prosjektet er støtta av både Design og Arkitektur Norge (DOGA), under Næringsdepartementet, og Vestland fylkeskommune, med mål om å utvikle nyskapande idéar som kan overførast til andre stadar i landet med like utfordringar. 

Kommunane ynskja og å teste nye måtar å gjere dette saman med innbyggjarar, laga og næringslivet. Til dette engasjerte kommunane et team frå designbyråa Lokalt Byrå og Æra Strategic Innovation for å hjelpe med å planlegge og lede prosessen. Utganspunktet for arbeidet var å starte med å la innbyggjarane diskutere kva for bygd dei ynskjer seg i framtida, og korleis turismen kan vere ein del av draumesituasjonen. “Grunnen til at me har turisme i bygda er jo å støtte opp om lokalsamfunnet, ikkje omvendt,” var mantraet til teamet. Etter innbyggjarverkstadene i dei tre bygdene Undredal, Solvorn og Fjærland, jobba kommunane og designteamet seg gjennom innspela for å utvikle 10 idéar som saman ledar mot eit meir berekraftig reiseliv og betre tilbod for innbyggjarar. For å tidleg finne ut om idéane hadde noko føre seg, inviterte kommunane moglege samarbeidspartnarar i bygdene, som ungdomslag, bygdeutval, bønder og reiselivsbedrifter, til å sei kva dei tenkte om idéane. 

Idéane frå prosjektet adressera felles utfordringar og forslag til korleis kommunane, næringslivet og lokalsamfunnet kan samarbeide om å gjere utfordringane til ein moglegheiter. Det er utarbeida fire konsept i Undredal, basert på innspela som kom fram i innbyggjarverkstaden som var i august på ungdomshuset.    

- Konseptet «Undredals beste ferje» viser moglegheitene i at turistferja blir ein del av kollektivtilbodet for innbyggjarane, og korleis ein kan utvikle eit større tilbod for turistane som kjem med same ferje. 

- «Landbruksturisme på eigne premiss» spør om ein kan gi innbyggjarar og bønder som blir forstyrra av turistar fred gjennom å gje dei nysgjerrige turistane ein passande stad å oppsøke. 

- «Startmotor for innbyggarar» handlar om korleis ein kan kombinere sosiale kveldar i bygda med hjelp frå innbyggjar til innbyggjar. Dette for å få til nye prosjekt, tilbod og bygg, kor ein arbeider med og ikkje mot vernestatus. 

- «Underdøl 32.0» peikar på korleis neste generasjon Underdøler i og utføre bygda kan kome saman om å planlegge sitt preg på bygda, når dei skal forvalte ho på vegne av dei 31 tidlegare generasjonane. 

 Kvar av dei tre bygdene i prosjektet har fått ulike idéar, og kvar idé er òg relevant for alle bygdene. Det gjer at kvar kommune og bygd kan fokusere på å teste og jobbe vidare med kvar sine idéar, og så dele erfaringar og resultat med kvarandre undervegs. 

No er fyrste del av prosjektet ferdig, idéarbeidet, og resultatet har blitt godt motteke av både fylkeskommunen, Riksantikvaren, Distriktssenteret og DOGA. Det har utløyst meir midlar frå DOGA slik at kommunane kan ta idéane vidare ut i ei testfase fram mot neste sommar. 

23. november inviterte Aurland kommune og designteamet til eit digitalt bygdemøte der dei informerte om dei fire konsepta for Undredal, og vegen vidare. Der fekk innbyggjarar, organisasjonar og lokalt næringsliv moglegheit til å sei sine meiningar og å engasjere seg i arbeidet. Sidan ikkje alle hadde høve til å delta på møtet vart det gjort opptak, og det er heller ikkje for seint til å kome med innspel og tankar. 

Link til opptak av det digitale møtet i november: 

https://www.jottacloud.com/.../3039b0c15c40ec440f.../thumbs/ 
Link til rapporten på hovudprosjektet i Gnist -litt lettare lesnad enn den som vart sendt til Doga https://www.jottacloud.com/.../303ae2dfaebfaf54de.../thumbs/ 
Om de har vidare innspel enn det som kom fram i møtet så kan de senda det på e-post på linn.janette.underdal.skarsbo@aurland.kommune.no 

SOGN FOR ALLE 

Kommunane i Sogn satsar heilskapleg på integrering av innvandrarar. Innvandrarar representerer ein viktig ressurs for sterke vekstbedrifter og gode lokalsamfunn. Gjennom prosjektet ønskjer vi å bli betre på å nytta moglegheitene som innvandringa bringer med seg. 

Målet med prosjektet Sogn for alle er å sikre verdiskaping og meir vekst gjennom auka sysselsetjing og bulyst blant innvandrarar. Ei vellukka integrering vil kreve innsats og samhandling frå offentleg og privat næringsliv og frivillig sektor. 

Sogn for alle er eit felles prosjekt gjennom Sogn Regionråd og kvar kommune har ein kommunalkontaktperson. Prosjektleiaren sit hjå Sogn Regionråd.  

Sogn for alle skal leggje til rette for ulike tiltak innan for fylgjande tema;  arbeid, språk og utdanning, familie og fritid og bustad.  

For meir informasjon om Sogn for alle besøk www.sognforalle.no  og Sogn for alle (regionraad.no).  

Kommunal kontaktperson for Sogn for alle i Aurland er Næringsrådgjevar Linn-Janette Underdal Skarsbø  

Prosjektleiar for Sogn for alle er Jeanett Walsvik.  

Sjekk òg deira video om dei ulike inkluderingstiltaka:  

Sogn for Alle.mov (dropbox.com)