Parkeringsstrategi vedteke av kommunestyre 17.09.2020 har fastsett følgjande mål og strategi:
Overordna mål for strategi
Aurland kommune ønskjer å:
- Redusere parkeringsbehovet
- Redusere personbilbaserte arbeidsreiser i Aurland kommune
Sentrumsområda
Mål:
Parkeringsløysingane skal gjere det effektivt, enkelt og attraktivt for dei som kjem med bil til sentruma/tettstadane å sette frå seg bilen nærast mogleg overordna vegnett, for so å bli fotgjengarar i dei sentrale delane av sentrumsområda eller grendene. Det må leggjast til rette for gode løysingar for innbyggjarane som stimulera til å gå eller sykle.
Strategi/tiltak:
- Sentralisere parkeringsarealet til eitt enkelt området som vert lagt til rette for korttidsparkering.
- Areal utanfor sentrum, 5 – 15 min gangavstand frå sentrum, skal leggjast til rette for langtidsparkering.
- Nye bustad- og næringsareal i sentrumsområda skal utformast med parkering på eiga tomt.
- Leggja til rette for oversiktelege og effektive parkeringsplassar for dei som kjem med bil til tettstadane(grendene) og sentruma.
- Nye parkeringsløysingar må plasserast slik at dei byggjer opp om god tilgjengelegheit til dei ulike sentrumsfunksjonane.
- Det skal prioriterast trygge tilhøve og effektiv ferdsle for mjuke trafikantar, sykkelparkering, handikapparkering og varelevering. Det kan vurderast vrimlefelt i dei sentruma der forholda ligg til rette for dette.
Les Aurland kommune sin parkeringsstrategi her.
Les Aurland kommune sin parkeringsstrategi her.
Kva går pengane til?
Inntekter frå parkeringsordninga skal gå til trafikk-, miljø- og sentrumstiltak i sentruma og grendene. Inntektene vil gå til etablering av nye parkeringsareal og trafikktryggleikstiltak.
Igangsetting:
Lista under syner plan for igangsetting av parkeringsordning for dei ulike områda
- Vassbygdi Juni 2023
- Flåm Juni 2023