Framlegget til sikringsplan skal sendast ut på høyring og skal vedtakast i kommunestyret.

Endeleg plan er grunnlaget for både sikringsarbeid og oppattbygging av hus, bruer, vegar og anna infrastruktur.

Både Aurland kommune og NVE har som utgangspunkt at ein, så langt det er forsvarleg,  skal kunna  byggja opp att på same stader som før flaumen.

Aurland kommune er oppteken av å gje best mogleg informasjon om det vidare arbeidet og  sjølvsagt involvera dei som er direkte råka eller har interesser i området.

Kommunen er og oppteken av å ha god framdrift, samtidig som ein heile vegen må sikra ei forsvarleg handsaming.

Prosessen etter flaumen har vore og kjem til å bli krevjande. Aurland kommune ser fram til godt samarbeid mellom alle berørte partar om å få til best moglege løysingar for framtida.

 

Noralv Distad

ordførar