Musikk- og kulturskulen
Rektor: Martin Hendriks
Telefon: 57 63 29 65
Mobil: 958 94 280
E-post: Martin Hendriks
Rådhuset, 2. etasje
Undervisningslokale:
Postadresse:
Aurland musikk- og kulturskule
Vangen 1
5745 Aurland
Frist for inn-/utmelding: 30. mai
Tilbod i Aurland musikk- og kulturskule 2013/2014
Fristen for inn- / utmeldingar i musikk- og kulturskulen for skuleåret 2013/2014 nærmar seg. Også i år vert dette gjennomført elektronisk.
Musikk- og kulturskulen er eit tilbod til alle innbyggjarane i Aurland kommune, born og vaksne. Men dersom kapasiteten på einskilde tilbod vert for liten, vil grunnskuleelevar ha førerett.
Med atterhald om tilgang på lærarkrefter vil musikk- og kulturskulen ha følgjande tilbod i skuleåret 2013/14:
Biletkunst
Opplæring i teikning og måling med akvarell og akrylfargar. Det vert lagt opp til praktisk arbeid i grupper med fagleg rettleiing frå lærar.
Musikkleikestove
Dette er eit tilbod for born i 1. klasse. Undervisninga går føre seg i gruppe, med vekt på song, rørsle, dramatisering og leik.
Grunnopplæring
Byggjer på prinsippa frå musikkleikestova, og er eit tilbod til dei som går i 2. klasse. Her vert det lagt vekt på ei allsidig musikalsk utvikling. Musisering ved hjelp av ulike instrument.
Hardingfele
Undervising i slåttespel etter tradisjonelle opplæringsmåtar stort sett utan notar.
Piano
Opplæring for nybegynnarar og vidarekomne.
Toradar
Opplæring utan notar, retta inn mot folkemusikktradisjonen.
Trekkspel
Opplæring i vanleg trekkspel (med standardbass) og akkordeon (med melodibass).
Bandopplæring
Gitar
Tilbod om undervising på el-gitar retta mot samspel i band,Besifringsspel og improvisasjon
Bassgitar
Undervising på el-bass for samspel i band
Piano/Keyboard
Undervising retta mot samspel i band
Song
Undervising i song retta mot bandsamspel
Slagverk
Bruk av ulike perkusjonsinstrument og trommesett.
