Håvard Øyrehagen har teke imot stillinga som prosjektleiar. Han tek over etter Ivar-Bjarne Underdal og tek til i stillinga 1. september. I byrjinga arbeider han i 50% stilling. 
Prosjektet er eit samarbeidsprosjekt mellom sauenæringa, fylkesmannen i Sogn og Fjordane og kommunane Årdal, Lærdal og Aurland. 

Prosjektet er eit samarbeidsprosjekt mellom sauenæringa, fylkesmannen i Sogn og Fjordane og kommunane Årdal, Lærdal og Aurland. 
Målet er å vidareutvikle og auke verdiskapinga i sauenæringa i området. Prosjektet skal arbeide for å auke tal bruk med sauehald og auke talet på vinterfora sau og lam. 
Sauenæringa representerer viktige arbeidsplassar i kommunane men har og ein viktig rolle i oppretthalding av eit ope landskap for oppleving og rekreasjon. 
Prosjektet har ei rekke tiltaksområde med mellom anna fokus på næringa sitt verdigrunnlag og omdøme, nye strategiar for beitebruk, kompetansebygging og teknologi. Eit prioritert arbeidsfelt framover er å oppmuntre til gode bruksutbyggingssatsingar. 

For meir info kontakt landbrukssjef Magnhild Aspevik.

Foto:
Avgått prosjektleiar Ivar-Bjarne Underdal, styreleiar Erling Offerdal og nytilsett prosjektleiar Håvard Øyrehagen.
Øyrehagen og Offerdal på besøk hjå sauebonde Rune Brugrand. Seminver er utplukka og godkjend av sauedommar Offerdal.

Foto: Magnhild Aspevik