Aurland kommune ser det som svært viktig å gjennomføra tiltak som hindrar flaumkatastofer i framtida. Flaumen i Flåm i oktober gjorde enorm skade på hus, landbrukseigedomar og offentlege infrastruktur. Tiltak som hindrar flaumskade vil ha stor samfunnsnytte.

Aurland kommune ber om at det vert opna for konsesjonshandsaming av flaumdempingstiltak med overføring av flaumvatn til Viddalsmagasinet.

Aurland kommune oppmodar E-CO Energi AS om å leggja saka fram for vassdragsstyremaktene.

 

Saka vert no teken opp med E-CO Energi AS  og eg vonar at Stortinget i neste omgang opnar for konsesjonshandsaming, seier ordførar Noralv Distad.