Aurland kommune er stolt av Flåmsbana og gler seg stort over at det vert jubileumsfeiring tysdag 16. februar. Me vonar mange nyttar høvet til å vera med på gratis-avgangane kl. 09:00 og 11:50, og tilstades saman med mellom anna samferdsleminister Ketil Solvik Olsen i stasjonsbygningen kl. 14:00.
Flåmsbana skaper store verdiar; ei unik oppleving for turistane, inntekter til næringslivet og arbeidsplassar i kommunen og regionen.
Flåmsbana har alltid vore ei heilårsbane. Det skal ho og vera i framtida, som drivkraft for ytterlegare vekst i vinterturismen.
Mange har stått på for Flåmsbana, teke utfordringane og alltid hatt blikket retta framover. Dei tilsette har gjennom alle tider vore glade i arbeidsplassen sin og gode ambassadørar for bana. Dei reisande er den dag i dag like oppglødde over natur og ingeniørkunst; ”a number one highlight” . Bygda og kommunen har med glede vore Flåmsbana sine fremste venner.
Aurland kommune ønskjer tillukke med den store dagen !
Noralv Distad
ordførar
Sjå også: Flåmsbana 75 år