Musikklærar 10% stilling ved musikk- og kulturskulen

Publisert 02. juni 2022

Kommunevåpen Aurland kommune

Aurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vera Noreg sin fremste kommune på heilårsturisme, og har eit mangfaldig næringsliv i vekst. Me er om lag 1780 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes basseng, musikkskule, klatring, handball, fotball, friidrett og boksing. På kulturskulen kan ein få opplæring i gitar, trommer, bass og biletkunst m.m. Aurland er ei naturperle og ideelt for fjellturar, jakt og fiske. Nærøyfjorden i Aurland kommune er på UNESCO si verdsarvliste for det spektakulære fjell- og fjordlandskapet. Det er kort veg til Myrkdalen, Vatnahalsen, Sogndal og Hemsedal om du likar å gå langrenn eller vil i slalåmbakken. Vil du nyte god mat, har me restaurant, kafé, bryggeri, og bakeri.

Me har ledig
10 % fast stilling som musikklærar ved musikk- og kulturskulen vår. Me treng deg som har kompetanse på fele/hardingfele til å undervise elevar ved kulturskulen.

Arbeidsoppgåver
- Undervisning av elevar på fele/ hardingfele
- Individuell undervisning
- Gruppeundervisning
- Samarbeid mellom lærarar og skulen og det frivillege musikklivet i Aurland
- Samarbeid om konsertar og arrangement
- Samarbeid for å få eit breitt kulturskuletilbod

Me tilbyr
- Bli ein del av ein triveleg arbeidsplass der arbeidsmiljø står i sentrum.
- Ei utfordrande stilling med moglegheit for utvikling og fagleg påverknad.
- Gratis inngang til treningsrom og symjebasseng i Aurlandshallen.
- Hjelp til å skaffe bustad.
- Hjelp til å skaffe barnehageplass.
- Hjelp til å skaffe arbeid til partner.

Kvalifikasjonar
- Du må kunne spele fele/ hardingfele og ha utdanning innan faget
- Erfaring med undervisning i dette faget, samt erfaring med metodar og undervisningsopplegg knytt opp til det å vere
musikklærar
- Notekunnskap
- Samarbeidsevner
- Engasjert

Løns- og tilsetjingsvilkår
Tilsetting, løn og arbeidsvilkår er i samsvar med gjeldande lovverk, reglement og tariffavtale.
Gode pensjons- og forsikringsordningar.

Generell informasjon om søknadsprosessen
Aurland kommune nyttar elektronisk søknadsskjema. Det betyr at vi kun tek imot søknader gjennom vår elektroniske søkjeportal. Dersom du treng hjelp til å søkje eller har problem med pålogging kan du kontakte oss på tel 57 63 29 00. Dersom du er tilsett i kommunen eller tidlegare har søkt på ledig stilling hjå oss vil du allereie vere registrert som brukar i systemet. For å få tilsendt passord må du klikke "glemt passord".

Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette i elektronisk søknadsskjema og grunngje valet i søknadsteksten. Vi tek kontakt med søkjarar som har bedt om dette, dersom vi meiner at grunngjevinga ikkje er tilstrekkeleg.

Krav til språkkunnskapar
Den som blir tilsett må kunne kommunisere godt på norsk både munnleg og skriftleg. Aurland kommune nyttar nynorsk som målform. Gode engelskkunnskapar tel positivt.

Søknadsfrist 17.06.2022 Utlyst dato 31.05.2022 Vårref 836

Kontaktperson
Monica Hille, Tenesteleiar Kultur, tlf: 91541178, monica.hille@aurland.kommune.no