Områderegulering for Flåm sentrum

Kommunestyret vedtok områdeplanen for Flåm 30.mars. Her finn du plandokumenta med dei vedtatte endringane. Klagefristen er 6.mai 2023.

Før jul vart det gjennomført prøveboring for å vurdere forholda knytt til grunnstabilitet (kvikkleire) i Flåm. Resultata frå undersøkinga er klar og det er ikkje påvist sprøbruddmateriale eller kvikkleire.  

Kommunestyret vedtok i møte 15.desember å legge områdeplanen for Flåm ut på høyring og offentleg ettersyn for andre gong. Høyringsfristen er 9.februar 2023.

I løpet av dei neste vekene vil det bli gjennomført prøveboring på fleire stader i Flåm. Dette vert gjort i samband med det pågåande arbeidet med områdeplanen for Flåm for å avklare om det finst kvikkleire i grunnen.

Det må framleis gjerast noko arbeid med områdeplanen for Flåm knytt til det ustabile fjellpartiet Stiksmoen og andre motsegn. Kommunen jobbar mot å få på plass eit nytt høyringsforslag til august.

Høyringsperioden for områdeplanen i Flåm er avslutta. NVE og Statsforvaltaren har varsla motsegn til planen og det er avtalt eit dialogmøte med dei for å avklare den vidare prosessen for områdeplanen for Flåm sentrum. Statsforvaltaren har fått utsett frist for fråsegn til planen til ei veke etter dialogmøtet.

Kommunestyret har den 27. mai 2021, sak 038/21, vedteke at områdeplan for Flåm vert lagt ut til høyring og offentleg ettersyn, i medhald av plan- og bygningslova § 12-10.

Før områdeplanen for Flåm kan leggjast ut på høyring måtte det gjerast ei flaumvurdering for nye tiltak som vert foreslått i planen. Denne vurderinga er no ferdig. 

Før kommunen kan leggje områdeplanen for Flåm ut på høyring må det gjerast ny flaumvurdering.