I tillegg er det tilsett fagleiar for flyktningtenesta i Aurland og Lærdal med verknad frå 1. august 2016. Fagleiar er formelt tilsett i Lærdal. Flyktningtenestene i Aurland og Lærdal kan verte ei sams eining. Ansvaret for tenesta ligg til NAV.
Flyktningtenesta har det koordinerande ansvaret for busetjing, kvalifisering og integrering av flyktningar i samsvar med måltal for busetjing i Aurland kommune. Kommunestyret i Aurland fattar vedtak om tal på årlege busetjingar.
Flyktningtenesta skal gje tenester til flyktningar som skal busetjast i kommunen etter avtale med Integrerings- og mangfoldsdirektoratet (IMDI). Når flyktningtenesta har klar bustad og oppfølgingsressursar vil IMDI få melding om at kommunen kan ta i mot nye flyktningar.
Aktuelle tenester:
- Kartlegging og oppfølging
- Busetting og bu-rettleiing
- Bidra til utdanning, kvalifisering og framtidig arbeid
- Fatte vedtak om introduksjonsordning og økonomisk stønad
- Bidra til integrering og inkludering av flyktningar i kommunen
- Samordning og tverrfaglig samarbeid i kommunen
- Arbeid med ekstern og intern informasjon
- Kontakt med myndigheitene (bl.a. IMDi, UDI, Bufetat)
- Kontakt med arbeidsgjevarar/næringslivet i høve til å få språkpraksis
Flyktningtenesta er avhengig av samfunnsengasjerte arbeidsgjevarar som ynskjer å tilby språkpraksis til våre nye aurlendingar. Ta kontakt med NAV Aurland dersom de ynskjer å tilby språkpraksis.
Der er eit ynskje å komme i kontakt med privatpersonar som kan leige ut hus eller leilegheit til flyktningtenesta.
Aurland kommune vil ynskje dei nye aurlendingane velkomne!
Nytilsette i flyktningtenesta:
Linn-Janette Skarsbø Underdal, flyktningkonsulent
Turid Stigen Sørensen, fagleiar ( formelt tilsett i Lærdal )