Målet med prosjektet er å betre miljøtilstanden i elva og samstundes ta omsyn til flaumsikring og eit attraktivt nærmiljø. Aktuelle tiltak er steinutlegg som er bra for fisk og bremsar erosjonskreftene ved flaum, eller sideløp/kilar som gjev betre miljøforhold og samstundes aukar avlaupskapasitet ved flaum. Ved rett utforming kan vi få til ein attraktiv og naturtypisk elvenatur til fordel for fastbuande og turistar. Elvane i Aurland kommune og då særleg Aurlandsvassdraget, Nærøyvassdraget og Flåmsvassdraget er verdenskjende turistmagnetar.
Synfaringa vart eit nyttig møte. Vi gjekk gjennom Flåmsvassdraget mellom Leinafossen og munninga i fjorden. Det kom inn mange gode innspel frå deltakarane.
Ved Flåm kyrkje vart det oppdaga fire pukkellaks der NORCE og elveeigarlaget klarte å ta ut to av dei. På foto under er leiar i Flåm elveiegarlag Terje Hilstad med pukkellaks, foto ved Ulrich Pulg.
Det vil bli gjennomført tilsvarande synfaring saman med elveeigarlag i Nærøyvassdraget når framlegg til løysingar er utarbeidde.
NVE har gjeve tilskot på kr 1,4 mill til prosjektet for Flåmsvassdraget. Miljødirektoratet har gjeve tilskot på kr 300 000,- til prosjektet for Nærøyvassdraget.
Vidare arbeid
Les meir om prosjekta og framdriftsplanen her.