I den gamle skulestova var det mellom anna strikkekurs, demonstrasjon av brikkebandveving, lokalt temabibliotek, utstilling av lokale segner og utsal av bøker frå Sivlelaget. Svein Tufte som er oppvaksen på Bakka tok folk med på ei spennande bygdevandring der han fortalde om Bakkafolkets liv og historie. På Borgarstrondi var det aktivitetar som roing av Sognebåtar, laging av bark- og paprirbåtar og utstilling om dyreliv og historiske bilete frå Bakka i den nyrestaurerte Kløvaløa. Det vart ein flott dag for både store og små frammøtte.

Dagen vart arrangert av Nærøyfjorden verdensarvpark i samband med Aurland kommune, Indre Sogn Kystlag og Borgen Gard v/ Svein Tufte.

Bakka_avslutt1.jpg

Roing av Sognebåtar var ein populær aktivitet for store og små på kulturminnedagen. Instruktørane var Cecilie Bugge Bjørg og Sigrun Aalen frå Indre Sogn kystlag.
Foto: Georg O. R Hansen

 

Bakka_avslutt2.jpg

Aktivitetar og utstilling i den nyrestaurerte Kløvaløa
Foto: Nærøyfjorden verdensarvpark