Kristine Dyrdal er fødd i 1919 og budde i Dyrdal heilt fram til 2003, då flytte ho til Helsetunet i Aurland.
Kristine har lagt ned ein enorm arbeidsinnsats på heimegarden. Ho har vore husmor, budeie og elles aktiv i alt gardsarbeid.
I mange år var det ho og broren Jens som dreiv garden i lag, med hest, 3 – 4 kyr, 60 – 70 geiter og 30 sauer.
Dei som kjenner Kristine seier at det er så lett å bli glad i ho. Ho har omsut for dei i kring seg, har godt humør og er veldig glad i dyr.
Kristine er ein verdig representant for bondekvinnene og deira samfunnsnyttige innsats.
Det er ei stor ære å heidra Kristine Dyrdal på 100-års dagen, i djup takksemd for ein lang og trufast arbeidsdag.
Noralv Distad
Ordførar