.jpg)
Karantene
Alle som er i karantene skal halde seg til gjeldande karantenereglar. Alle skal legge til rette for å kunne vere i karantene i eigen bustad. Overnattingsstadar skal legge til rette for å kunne ivareta gjestar i karantene. Arbeidsgjevarar har ansvar for å ivareta eigne tilsette på arbeidsreise som blir sett i karantene i Aurland.
Besøk til sårbare grupper
Besøk til personar på sjukehus, eldreinstitusjonar, bufellesskap og bustadar med sårbare grupper skal avgrensast til det nødvendige. Besøkande skal følgje staden sine besøks- og hygienereglar.
Mathygiene
Matservering og behandling av mat på stad med allmenn tilgang skal halde seg til Mattilsynet sine gjeldande reglar og avgrense tilgang på felles serveringsbestikk, maskiner og halderar for tilbehør. Der dette ikkje er mogleg, skal serveringsbestikk, maskiner og halderar for tilbehør skiftast ofte eller rengjerast grundig ofte.
Folkesamlingar
For å unngå trengsel i folkesamlingar, inne og ute, skal utestadar, serveringsstader, forsamlingslokalar og arenaer utan plasstildeling, legge til rette for at alle nærverande personar kan halde 1 meter avstand til andre i heile lokalet eller på heile arenaområdet.
Tilleggsrestriksjonar:
Personleg hygiene
Alle som oppheld seg i Aurland bør ivareta god og forsvarlig hand-, hoste- og nysehygiene. Handhelsing, klemming og annan nærkontakt bør avgrensast. Alle føresette og vaksne med ansvar for andre bør jamleg rettleie om personlige hygienetiltak.
Kollektivreiser
Alle som nyttar kollektivtransport, skal vere særlig merksam på å følge dei personlege hygienerestriksjonane, og ta særleg omsyn til sine medreisande.
Reiser
Reiser til og besøk frå områder med vedvarande og lokale smitteutfordringar bør avgrensast til det strengt nødvendige. Sjå oppdatert oversikt på fhi.no.
Meir informasjon:
Spørsmål om korona skal rettast til informasjonstelefonen for korona på telefon 815 55 015.