Pleie og omsorg inviterer til seminar med informasjon til innbyggarane i Aurland om to prosjekt det blir jobba med i kommunen:

  • Kvardagsrehabilitering og kvardagsmeistring i Aurland kommune, sett i samanheng med velferdsteknologi, tverrfagleg og tverretatleg samarbeid
  • Nasjonalt velferdsteknologiprogram (NVP) og alarmsentralen ”Spreiingsprosjektet – alle er med”

 

Vi ønskjer velkommen til kantina på Aurland helsetun torsdag 02.04.2020.

Vi legg opp til to like økter på ca. 2,5 timar kvar;

ei på føremiddag og ei på ettermiddag.

Detaljert program blir annonsert seinare, men merk datoen!

 

Litt om bakgrunnen for prosjekta:

Aurland kommune vil i åra framover ha same utfordringar som andre kommunar i Norge. Den demografiske framskrivinga viser at det blir auke i tal eldre, og at rekruttering til pleie- og omsorgstenesta og talet på yrkesaktive innanfor denne tenesta går ned.

Gjennom brukarmedverknad og utgangspunkt i «kva er viktig for deg no»? skal Aurland kommune etablere kvardagsrehabilitering som ei eiga teneste, der tidleg kartlegging av rehabiliteringspotensiale og tilsvarande tidleg og intensiv opptrening skal auke meistringsevna og redusere hjelpebehovet. Utviklinga går i retning av at kvar brukar skal kunne nytta eigne ressursar og meistre kvardagen lengst mogleg i eigen heim.

Delar av helsetenesta vil bli ytt ved hjelp av velferdsteknologi som til dømes sensorteknologi; sengealarm, fallsensor, bevegelsesdetektor og tråkkematte, digitale medisindispenserar, GPS, elektronisk nøkkelboks, robotstøvsugar og annan tilgjengeleg velferdsteknologi.

Ein del av desse teknologiane vil bli vist den 2. april.

Kari Voldum, tenesteleiar og Tunde Nesbø, fagutviklingssjukepleiar