Kort om Aurland

Aurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vera Noreg sin fremste kommune på heilårsturisme, og har eit mangfaldig næringsliv i vekst. Me er om lag 1780 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes basseng, musikkskule, klatring, handball, fotball, friidrett og boksing. På kulturskulen kan ein få opplæring i gitar, trommer, bass og biletkunst m.m. Aurland er ei naturperle og ideelt for fjellturar, jakt og fiske. Nærøyfjorden og Aurlandsfjorden er på UNESCO si verdsarvliste for det spektakulære fjell- og fjordlandskapet. Det er kort veg til Myrkdalen, Vatnahalsen, Sogndal og Hemsedal om du likar å gå langrenn eller vil i slalåmbakken. Vil du nyte god mat, har me restaurant, kafé, bryggeri, og bakeri. 

Informasjon

Ynskjer du vite meir om korleis det er å bu og arbeide i Aurland kommune ta gjerne kontakt med oss i kommunen. Me kan setje deg i kontakt med lokale grendalag og organisasjonar – og me spanderar gjerne ein kaffi om du ynskjer eit møte med oss.  

-Lura du på korleis det er å arbeide i kommunen? Sjekk ut denne videoen 

Arbeide i Aurland?

Dei fleste i Aurland arbeidar innanfor reiselivet, kommunale tenester, sekundærnæringa og landbruk. Det vert ofte lyst ut både kommunale stillingar og stillingar innan reiselivet. Som tilsett i kommunen får du gratis inngang til treningsrom og symjebasseng i Aurlandshallen. Dei kommunale stillingane vert lyst ut på nettsida til kommunen. Det vert satsa på heilårsturisme i kommunen og det vert ofte lyst ut faste stillingar innan denne næringa.  

For kommunale stillingar sjekk her: Ledige stillinger (sing.no) 

Lokalt næringsliv nyttar ofte desse kanalane: Ledige stillinger - Arbeidsplassen (nav.no) eller Ledige stillinger | FINN Jobb 

Det er òg kort veg til nabokommunane og på Sogn.no, framtidsfylket.no eller gjennom lokale aviser som Sogn Avis og porten.no vert ofte stillingar frå regionen lyst ut.   

Kontakt

For meir informasjon ta gjerne kontakt 

Turid Stigen Sørensen
HR/personalrådgjevar 
Tlf: +47 95154321 
turid.stigen.sorensen@aurland.kommune.no

 

Linn Janette Underdal Skarsbø  
Næringsrådgjevar    
Tlf: 95984647  
linn.janette.underdal.skarsbl@aurland.kommune.no

 

Trygve Skjerdal
ordførar
Tlf. 95984638
trygve.skjerdal@aurland.kommune.no