Retningsliner for sorg- og kriseteamet kan du lese her.
Sorg- og kriseteamet er ikkje eit behandlingsteam, men eit team som sikrar bistand og organiserer ulike tiltak.
Teamet skal og sikra at dei som har behov for bistand i ein krisesituasjon, vert følgde opp i tida etter at krisa sin akutte fase er over. Denne bistanden vert gjeve i den grad det er ynskjeleg og vert vurdert som naudsynt.
Teamet skal og avdekka dei informasjonsbehova som eksisterer og bidra til opplysningsarbeid.
OPPGÅVER
Sorg- og kriseteamet er ei disponibel beredskapsgruppe for kriser som t.d.:
- Uventa dødsfall
- Ulukker
- Sjølvmordsforsøk
- Sjølvmord
- Alvorlige skadar
KOMPETANSE
Sorg- og kriseteamet representerer fleire instansar med ulik fagkompetanse i høve krise- og katastrofearbeid. Teamet skal til ei kvar tid vera så fagleg oppdatert som mogeleg, m.a. gjennom deltaking i kurs/opplæring.
UTVIKLING AV TEAMET SITT ARBEID
Sorg- og kriseteamet skal ha møte minst ein gong i året, og elles etter behov. Møta skal vere med vararepresentantar og andre aktuelle fagpersonar. Møta skal m.a. utvikla krisearbeidet i kommunen, samordne personale og evaluere teamet si verksemd. Teamet skal og bidra til å gjera framlegg om førebyggjande tiltak i kommunen.
Leiar av teamet har ansvar for å kalla inn, og leie teamet sine evalueringsmøte.