I tillegg til kontor, kantine og nytt møterom, finn du også Turistinformasjonen i 1. etasje.

Kultur vil halda fram med lokale utstillingar, og nytt for året er at Sivlesamlinga vert flytta ned til 1. etasje. Teknisk, kultur og Sogelaget har saman laga ei fin utstilling som vil bli opna for publikum i løpet av mars.

Galleri Vinjum vil bli sett opp att i 2. etasje der den har vore. E-CO utstillinga er også på plass att. Det vert ei felles opning for utstillingane, og det vil bli kunngjort på eit seinare tidspunkt.

Elles har Nærøyfjorden Verdsarvpark flytta opp i 2. etasje, der også ein del bedrifter leiger lokale hjå kommunen.

Sogelaget er også å treffa her i huset.

Heradshuset er ope for publikum, og me ynskjer dykk velkommen innom for å sjå kor fint me har fått det.

Me har laga til eit rom i 1. etasje der det er muleg å sitta ned og lesa blad og tidsskrifter og slå av ein prat.

Det er sal av lokalhistoriske bøker i Heradshuset.

Velkommen!