Sakshandsamar på Felles landbrukskontor ÅLA, Ove Feidje, og landbrukssjef Magnhild Aspevik, ser fram til å forvalte denne ordninga, og håpar å få inn søknadar på mange gode tiltak.
-Me har 4 millionar til disposisjon til tiltak som skal styrka landbruket i verdsarvområde, og 1,1 million til Utvalde kulturlandskap Lærdal, seier landbrukssjef Aspevik. 
-Verdsarvområde som me forvaltar er Vestnorsk Fjordlandskap – Nærøyfjordområde. Det er kommunane Aurland, Voss, Vik og Lærdal som har areal innanfor dette verdsarvområde. Søknadsportalen er klar til å brukast i Altinn, og me er klar til å ta imot søknadar.

Meir informasjon om ordningane kjem etter kvart. Om du har spørsmål ta kontakt med oss.