Tenesta si målgruppe
Alle barn og unge har plikt til grunnskoleopplæring. Grunnskulen i Aurland gir tilbod om opplæring i samsvar med lov og læreplan for grunnskulen.
Formål med tenesta
Opplæringslova § 1-1 fastset formålet med opplæringa slik:
”Opplæringa skal, i samarbeid og forståing med heimen, opne dører mot verda og framtida og gi elevane historisk og kulturell innsikt og forankring.
Opplæringa skal byggje på grunnleggjande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgjeving, likeverd og solidaritet, verdiar som òg kjem til uttrykk i ulike religionar og livssyn og som er forankra i menneskerettane.
Opplæringa skal bidra til å utvide kjennskapen til og forståinga av den nasjonale kulturarven og vår felles internasjonale kulturtradisjon.
Opplæringa skal gi innsikt i kulturelt mangfald og vise respekt for den einskilde si overtyding. Ho skal fremje demokrati, likestilling og vitskapleg tenkjemåte.
Elevane skal utvikle kunnskap, dugleik og holdningar for å kunne meistre liva sine og for å kunne delta i arbeid og fellesskap i samfunnet. Dei skal få utfalde skaparglede, engasjement og utforskartrong.
Elevane skal lære å tenkje kritisk og handle etisk og miljøbevisst. Dei skal ha medansvar og rett til medverknad.
Skolen skal møte elevane med tillit, respekt og krav og gi dei utfordringar som fremjar danning og lærelyst. Alle former for diskriminering skal motarbeidast. ”
Innhaldet i tenesta
Innhaldet i grunnskuleopplæringa er fastsett i Opplæringslova og ”Læreplanverket for Kunnskapsløftet – L06”. Innanfor desse rammene prioriterer grunnskulen i Aurland:
· Tilpassa undervisning for alle elevane
· Tildeling av spesialundervisning
· Gode rutiner for arbeid mot mobbing
· Utvikling av matematikkfaget
· Utvikling av norskfaget
· Entreprenørskap i opplæringa
· Kunnskap om eiga kommune
Det skal vere minst eitt leirskuleopphald i grunnskulen.
Det vert gjeve tilbod om gratis leksehjelp i 2 t/v for elevane i 1.-4.klasse.
Innanfor dei rammene som lov, forskrift og læreplan set, vert nivået på tilpassa opplæringa og spesialundervisning avgrensa av vedtekne økonomiske rammer.
Kva kan du forventa av tenesta?
· At skulen har det faglege ansvaret for opplæringa
· At lærarane har fagleg og pedagogisk kompetanse
· At skulen informerer heimane om mål, innhald, arbeidsformer, og om rettar og plikter som elevar og foreldre har
· At skulen dokumenterer og informerer dei føresette om eleven si læring og utvikling.
· At skulen legg vinn på å skape eit godt skulemiljø som fremjar helse, trivsel og læring.
· At skulen støttar dei føresette i å oppdra barna
· At skulen legg til rette for eit godt samarbeid med heimane.
· At det vert gjennomført elevsamtale, foreldremøte og foreldrekonferanse minst ein gong kvart halvår.
· At personalet etterlever teieplikta.
Kva forventar tenesta av deg?
· At foreldra/dei føresette tek oppdragaransvaret på alvor og syter for at barna oppfyller plikta til opplæring etter evner og føresetnader
· At foreldra/dei føresette har ansvar for dagleg omsorg
· At foreldre/føresette tek ansvar for at barna møter førebudd på skulen, med nistepakke og nødvendige klede/utstyr
· At foreldra/dei føresette ser til at barna gjer leksene sine
· At foreldra/dei føresette held seg informert om korleis det går med barna på skulen.
· At foreldra/dei føresette arbeider for at samarbeidsavtalane etter vurderingsmøta skal fungera.
· At foreldra/dei føresette gjer seg kjende med skulen sine reglar, og hjelper barna til å respektere dei
Kva kostar tenesta?
Grunnskulen er gratis.
Kvar kan du klaga?
Foreldra/ dei føresette kan klage på einskildvedtak skulen/kommunen har gjort med heimel i opplæringslova med forskrifter. Klagen skal sendast skriftleg til Aurland kommune v/tenesteleiar Odd Mikalsen, Vangen 1, 5745 Aurland.
