Stølsdag på Langhuso

Laurdag 2. september var det stølsdag på Langhuso. Mange møtte opp, og fekk mellom anna oppleve stølslivet med ysting, stølskost, mjølking og nærkontakt med geiter.

Bakgrunnen for arrangementet var markeringen av Kulturminnedagane 2017. Målet var at folk skulle få oppleve ein støl i drift, og få ta del i stølskulturen. Aurland kommune og Nærøyfjorden verdsarvpark var hovudarrangørar, i lag med lokale krefter i Underdal. Sjølve ostekokinga sto Erna Underdal Skarsbø og Anna Elise Borlaug for, og folk som kom innom sela fekk sjølvsagt smaksprøvar.

Både store og små fekk testa kunnskapane sine om Underdal og geitehald på natur- kultursti. Dei som heldt ut lengst på ettermiddagen fekk høyre An- Magritt Lindther fortelje lokale huldrehistoriar. Fekk du ikkje med deg stølsdagen i år? Prøv på nytt neste år, dette kan kome til å bli ein tradisjon.

 

Stølsdag på Langhuso
Stølsdag på Langhuso
Tips ein ven Skriv ut

Kontaktinformasjon

Aurland kommune, sentralbord
Telefon: 57 63 29 00
Telefaks: 57 63 29 01
SMS: 959 84 649

Kommunal beredskapstelefon / teknisk vakt utanom kontortid:
tlf. 57 63 29 05 / 959 84 600
(beredskap brann, kommunale bygg, veg, vatn og avløp)

Kommunal beredskap