Tenesta si målgruppe
Tenesta gjeld elevar i 1.-4.klasse. Også barn med særskilte behov på mellomsteget (5.-7.klasse) kan få tildelt plass i SFO.
Kor lenge varer retten til tenesta?
Retten til tenesta er avgrensa av at det vert betalt for tenesta i samsvar med vedtekne betalingssatsar. Tildelt plass gjeld for eitt skuleår om gongen.
Formål med tenesta
Skulefritidsordninga i Aurland
er eit opphaldstilbod utanom skuletid for barn 1.-4.klasse. Tilbodet gir barna omsorg og tilsyn, og legg til rette for leik, kultur og fritidsaktivitetar som barna er interessert i, og som høver for alderssteget.
Tenesta gjeld
Føremålet med tenesta er å gi eit frivillig omsorgs-og fritidstilbod før og etter skuletid. Retningsliner for tenesta er nedfelt i ”Vedtekter for skulefritidsordninga i Aurland kommune”.
Innhaldet i tenesta
- Tilsyn
- Omsorg
- Fritidsaktivitetar
- Leik
- Kulturaktivitar
- Opningstida vert fastsett innanfor tidsrommet 7.30 – 16.00.
- Tilbod i korte skuleferiar dersom det er minst 5 påmeldte barn.
- Tilbod i heile veker i sommarferien dersom det er minst 5 barn som har behov for heile veker.(Ikkje i juli)
Kva tenesta ikkje omfattar
- Omsorg/tilsyn utover fastsett dagleg opningstid
- Sfo held stengt 3 planleggingsdagar pr. år.
Vedtekne økonomiske rammer fastset kvart år talet på plassar i SFO.
Kva kan du forventa av tenesta?
· At personalet tek kontakt med foreldre/føresette når det er nødvendig
· At det vert gjeve munnleg eller skriftleg melding om reduksjon i tenesta …
· At personalet overheld teieplikta.
· At det vert servert eit enkelt måltid kvar dag
· At SFO og skulen samarbeider til beste for barna
· At SFO-avdelingane samarbeider for å prøva å gi tilbod i skuleferiane.
· At vedtektene for skulefritidsordninga i Aurland kommune vert lagt til grunn for drift av tenesta.
Kva forventar tenesta av deg?
· At du gjev melding når barnet vert borte frå SFO
· At foreldre/føresette overheld fastsette betalingsfristar og oppseiingsfristar
· At barna til ei kvar tid har klede som høver for utleik
· At barna har klesbyte i SFO
· At barna vert henta til avtalt tid og innanfor opningstidene.
Kva kostar tenesta?
Kommunen fastset kvart år gjeldande betalingssatsar. Endra satsar gjeld til vanleg frå januar til desember.
Frå 2010 gjeld desse satsane:
- 8-14 timar: Kr 890,00
- Over 14 timar: Kr 1130,00
Søskenmoderasjon:
Det vert gjeve 50 % reduksjon for 1. søsken, og 75 % reduksjon for 2. og fleire søsken.
Korleis går du fram for å søkja om tenesta?
Aurland kommune ynskjer at det vert fylt ut og sendt inn søknadsskjema elektronisk. Du finn søknadsskjema under skjema. Søknadsfristen er til vanleg 1. april.
Kvar kan du klaga?
Klager på vedtak om tildeling av teneste skal sendast skriftleg til Aurland kommune.
