Sakliste

• Godkjenning av møteprotokollen 
• Referatsaker
• Open post
• Tilstandsrapport for grunnskulen i Aurland skuleåret 2010 - 2011
• Delegasjonsreglement for Aurland kommune - mandat for gjennomgang
• Brann - og redningsberedskapen i Aurland
• Årsmelding ÅLA - 2011 - godkjenning
• Reguleringsplan(detaljregulering) for Framigarden i Flåm - oppstart av planarbeid
• Søknad om løyve til sal av alkohol i tidsrommet fram til 2016 - L. Hylland`s eftf. A/S
• Søknad om løyve til sal av alkohol i tidsrommet fram til 2016 - Aurland Daglegvarer AS
• Søknad om løyve til sal av alkohol i tidsrommet fram til 2016 - Flåm Turistsenter AS 
• Søknad om løyve til sal av alkohol i tidsrommet fram til 2016 - Øystein Underdal AS
• Søknad om løyve til sal av alkohol i tidsrommet fram til 2016 - O. Skjerdal & Co AS
• Søknad om løyve til sal av alkohol i tidsrommet fram til 2016 - Coop Hordaland BA
• Søknad om løyve til skjenking av alkohol i tidsrommet fram til 2016 - Gudvangen Hotelldrift AS
• Søknad om løyve til skjenking av alkohol i tidsrommet fram til 2016 - Heimly Pensjonat AS
• Søknad om løyve til skjenking av alkohol i tidsrommet fram til 2016 - Sognaporten Informasjons- og Servicesenter AS 
• Søknad om løyve til skjenking av alkohol i tidsrommet fram til 2016 - Cafe Rallaren 
• Søknad om løyve til skjenking av alkohol i tidsrommet fram til 2016 - Østerbø Turisthytte AS
• Søknad om løyve til skjenking av alkohol i tidsrommet fram til 2016 - Cafe Stationen AS
• Søknad om løyve til skjenking av alkohol i tidsrommet fram til 2016 - Østerbø Fjellstove AS 
• Søknad om løyve til skjenking av alkohol i tidsrommet fram til 2016 - Aurlandskafeen AS 
• Søknad om løyve til skjenking av alkohol i tidsrommet fram til 2016 - Holo Gardstun 
• Søknad om løyve til skjenking av alkohol i tidsrommet fram til 2016 - Flåm Marina og Appartement AS
• Søknad om løyve til skjenking av alkohol i tidsrommet fram til 2016 - Opplev Undredal AS
• Søknad om løyve til skjenking av alkohol i tidsrommet fram til 2016 - Myrdal Fjellstove
• Søknad om løyve til skjenking av alkohol i tidsrommet fram til 2016 - Vangsgården AS 
• Søknad om løyve til skjenking av alkohol i tidsrommet fram til 2016 - Flåm Guideservice AS
• Søknad om løyve til skjenking av alkohol i tidsrommet fram til 2016 - Vatnahalsen Høyfjellshotell AS
• Søknad om løyve til skjenking av alkohol i tidsrommet fram til 2016 - Toget Cafe 
• Søknad om løyve til skjenking av alkohol i tidsrommet fram til 2016 - Upsete Fjellstove
• Søknad om løyve til skjenking av alkohol i tidsrommet fram til 2016 - Fretheim Hotel 
• Søknad om løyve til skjenking av alkohol i tidsrommet fram til 2016 - Flåm Turistsenter AS 
• Oppretting av ambulerande skjenkjeløyve 2012 - 2016 
• Roti Oline - deling av grunneigedom - handsaming etter jordlova § 12
• Eigarskap i Aurland Energiverk AS - Utbytte 2011 

Sakspapir til møte i kommunestyret 24.mai 2012 kan du lese her

I Sogn og Fjordane er det berre Førde, Sogndal, Eid og Stryn som kan visa til betre tal for sine kommunar.

Det svært gode resultatet har samanheng med at Aurland er stor turistkommune og at aurlendingane er flinke til å handla lokalt.

 Folketalsutviklinga er og positiv, auke med 4 til 1716 det første kvartalet 2012

Kjære aurlendingar, kjære alle frammøtte. Gratulerer med dagen alle saman !

Dette er dagen då heile landet har bursdag. Ein nasjonal festdag, vårt fremste symbol på fridom og sjølvstende. Det er 198 år sidan Norge stod opp mot triumferande nasjonar og sa at me skal vera ein eigen nasjon, med våre eigne lover og vårt eige Storting.

Me har mykje å vera takksame for, mykje å gleda oss over.

17. mai er fyrst og fremst barnas dag. Me feirar med å gå i tog, eta is og pølser og anna god mat.
Det er viktig at me feirar dagen som barna, med ekte glede og optimisme.

Me gler oss over å bu i eit land der me har det godt. Med frie val, talefriheit og likestilling.

Det er til og med lov å tala ordføraren midt i mot. For heilt sidan 1814 har alle hatt rett til å ha sine eigne meiningar og seia frå i tale eller skrift. Heldigvis er aurlendingane flinke til å seia klart frå og gje både ris og ros til ordføraren og andre i leiande stillingar.

Samtidig er me flinke til å arbeida saman for ein kommune me er glad i og som har så store mulegheiter. WOW er det me i vår tid seier om noko som er flott og storarta. Aurland er ein av dei store WOW-kommunane.

Me må passa oss for sutring og klaging. Det er langt betre å gjera ein innsats i lokalmiljøet, i styre og stell – i lag og organisasjonar. Det er viktig a vera positive, glade i Aurland, ein kommune og ei bygd som det verkeleg er noko å vera stolt av og visa fram både til oss sjølve og til andre.

Hendingane 22. juli i fjor sette rettsstaten på prøve. Men midt i sjokk og vantru uttalte AUF-medlem Helle Gannestad dei ordi som blei eit symbol på det norske samfunnet sin reaksjon på terrorangrepet:
”Når en mann kan forårsake så mye ondt - tenk hvor mye kjærlighet vi kan skape sammen."
Heile verdi er imponert over korleis det norske folket i etterkant av terrorangrepet har stått samla om dei demokratiske verdiane våre.

Rettssaka som no blir gjennomført er den norske rettsstaten verdig.

Respekt, toleranse, omsorg og omtanke. Det er det me skal bruka fridomen til, slik at han når fram til alle og at alle får gleda av han.

Fridomen er ikkje sjølvsagt. Framleis lever mange i land utan den fridomen som er so sjølvsagt for oss. Det er akkurat no fridomskampar i delar av den Arabiske verdi og i mange andre land på fleire kontinent.

Opposisjonelle blir framleis fengsla berre for meiningane sine også i Europa, i land som ligg berre nokre få flytimar borte frå oss.

2011 var frivillegheitens år i Europa. Frivilleg arbeid og engasjement har svært stor betydning også i vår eigen kommune, i Røde kors, sanitetslag, musikklag, idrettslag, skyttarlag, turlag, 17. mai - komite og mange, mange fleire. Å delta i frivilleg arbeid gir mykje både til dei som deltek, og til dei som får ei hjelpande hand eller blir oppmuntra til å utvikla eigne ferdigheiter i idrett eller på andre område. Frivilleg innsats og dugnader er med på gjera Aurland til ein trygg og god stad å bu. Ein stor takk til alle som gjer ein frivilleg innsats til beste for innbyggjarane i kommunen vår.

I åri etter 1814 var det stor utvandring frå Aurland. I løpet av nokre få 10-år etter 1840 reiste meir enn 1000 aurlendingar til Amerika. Det var ikkje plass nok og arbeid nok til alle her heime. No opplever me det motsette, mange flytter frå utlandet – mest Europa - til Norge for å få seg arbeid. I Aurland er i dag ca. 75 av eit samla innbyggjartal på 1716 tilflyttarar frå utlandet. Me må ta godt i mot alle som flytter hit slik at dei trivst både i arbeid, på skulen og i fritida.

I dag har me 17. mai arrangement i den flotte fleirbrukshallen vår. Det er utruleg kjekt at hallen blir så mykje brukt.

For 100 år sidan skjedde det og mykje på bygningsfronten i Aurland. Bedehuset er hundre år i år, Gamleheimen som no heiter Hopastova er 100 år neste år. Og ungdomshuset vert 100 år i 2014, same året som me skal feira 200-års jubileum for grunnlovi. Desse tre byggverki var samla sett i stor nyvinning for Aurland, langslivet blomstra og det var eit ungdommeleg engasjement for å skapa ny framgang tufta på nedarva verdiar. Aurland kommune har eit særleg ansvar for å gjenomføra ei hundreårsmarkering neste år for Gamleheimen. Det var eit stor steg framover for verdig aldersomsorg, finansiert med gåver frå aurlendingar her heime og i Amerika.

Kor mange her er fødde mellom 1980 og 2000 ?

De er Y-generasjonen har trendforskarane funne ut. De virkar i eit land og i ein kommune som for lengst er bygd, men det er de som har ansvaret for påbygget.

De skal overta etter våre eldre, veteranane som bygde landet. De skal overta etter ein mellomgenerasjon som vidareutvikla og moderniserte landet og kommunen.

De i Y-generasjonen er dei fyrste som ikkje hugsar ei tid utan mobiltelefon og internett, de har utrulege fortrinn i kraft av å bruka ny teknologi. De er sjølvstendige, de vil ha ansvar, de er vande til at alt forandrar seg veldig raskt og de synest det er heilt Ok.

Alle oss som er glad i Aurland og ser store framtidsmulegheiter må spela på lag med Y-generasjonen og sleppa dei til.

Samtidig blir det våre oppgåve å ta vare på og formidla dei verdiane som har bunde oss saman frå 1814 og fram til i dag, og visa respekt for alt det som tidlegare generasjonar har skapt.

Kor mange her er fødde i år 2000 eller seinare ?

De er nok dei aller viktigaste. Eg veit at de er veldig glad i Aurland. 17. mai er barnas dag, Aurland skal og vera barnas kommune, med god skule og gode fritidsaktivitetar. I Aurland skal det vera godt å veksa opp og de skal få lyst til å bu her når de er vaksne.
Og så veit eg de er opptekne av ein ting til – og det er at eg snart skal bli ferdig med talen. Det lovar eg.

17.mai veret i år er ganske flott, og betre enn varsla . Då var det verre i 1916 i fylgje ein rapport som vart sendt til Amerika.
Dei hadde gledd seg til finver, men det vart surt og kaldt med snøbyger i høgdi.
Det var nesten umuleg å vera uta, og dei måtte ta ned flaggi på grunn av storm.
Folk gjekk med vinterfrakkar og skjerf. Det var arrangement ute, men etter kvart reiste barn og vaksne heim. Ungdommen derimot tok i bruk det nye ungdomshuset der dei leika og dansa til heilt ut på morgonkvisten 18. mai.

Og så kom finveret med sol og varme, eg vonar det blir slik i år og og at me får ein strålande sommar !

Igjen: Gratulerer med dagen og ha ei flott feiring vidare !

Grunna grunnundersøkingar av jernbanelina, vil vegen til Berekvam bli stengd om lag 600 m nord for stasjonen, tysdag 22. og onsdag 23.mai.

Vegen må stengjast frå kl 21:30 og fram til kl 08:00 påfølgjande dag.

Dei som har behov for å køyra i denne tida, vert oppmoda om å parkere nord for Styvesethaugen.

Det er råd å ta seg forbi vegstenginga til fots, og dei som er råka av vegstenginga, vil Jernbaneverket kunna skyssa til og frå heimen.

For nærmare informasjon ta kontakt med Ole Erik Almenningen tlf 916 66 129.

 Jernbaneverket

Her finn du detaljert program for heile kommunen 17.mai (pdf)

17.mai i Aurland:
I Aurland er 17.maifeiringa flytta til Aurlandshallen

Med bakgrunn i dette er det bestemt at folketoget går frå Aurland helsetun og til Aurlandshallen, der resten av feiringa vil gå føre seg.

Her vert det musikk, tale for dagen, dans, leikar ute og inne, sal av kaffi, kaker, brus, is, pølser, og hamburgar. Det vert og sal av lodd med flotte premiar frå næringslivet i bygda.

Velkomen til fest i bygda si storstove !

Sjå også: Program 17.mai i Aurland kommune

Dersom du kan svara ja på spørsmåla over, har du no ein unik sjanse til å få oppfylt draumen din!

Nynorske litteraturdagar i Aurland, i samarbeid med kulturskulane i Årdal, Lærdal og Aurland, planlegg eit ungdomsprosjekt som skal enda opp med ei framsyning av musikalen ”Spelemann på taket” (”Fiddler On The Roof”) søndag 28. oktober 2012 i Aurland. Helga etterpå blir det framsyningar i Lærdal og Årdal.

Michael David Pavelich, kjend frå Opera Nordfjord, og den energiske drivkrafta bak musikalane som Eid vidaregåande skule set opp, blir kunstnarleg leiar for prosjektet.

Du som no kjenner at ”Yes!! detta ha eg lyst t å vera me pao!” melder deg i første omgang på til audition (song/dans/dramaprøve), som går i regi av Michael. Dato for denne blir kunngjort seinare.

Søknad til audition kan sendast som vanleg post til:

Haakon Skjerdal,Rådhuset,
Vangen 1,
5745 AURLAND,

på e-post til haakon.skjerdal@aurland.kommune.no ,

eller som sms til mobil 954 94 482.

Dersom du har spørsmål elles, kan du kontakte
Årdal: Sigyn Øren, e-post sigyn.oren@ardal.kommune.no , mobil 902 51 937
Lærdal: Magne Grøttebø, e-post magne.grottebo@laerdal.kommune.no , mobil 900 53 796
Aurland: Tom Karlsrud, e-post tom.karlsrud@aurland.kommune.no , mobil 959 84 609

Søknadsfrist: tysdag 22. mai.

Kåman dao, detta kan bli skikkele’ gøy!

Les meir om Nynorske litteraturdagar her

A. Tilskot til særskilte arrangement
Aurland IL-friidrett 4 000 kr
Undredal ungdomslag 4 000 kr
Flåm musikklag 4 000 kr
Indre Sogn Kystlag 3 000 kr

B. Tilskot til allmenne kulturføremål/målretta ungdomstiltak – prosjekt
Kyrkja i Aurland og Lærdal 3 000 kr
Undredal ungdomslag 5 000 kr
Aurland skyttarlag 9 000 kr
Aurland Sogelag 25 000 kr

C. Tilskot til allmenne kulturformål – driften(aktiviteten)
Aurland Songlag 8 000 kr
Aurland jakt-og fiskelag 15 000 kr
Aurland Turlag 8 000 kr
Aurland Husflidslag 4 000 kr
Undredal ungdomslag 6 000 kr
Flåm Musikklag 15 000 kr
Aurland skyttarlag 9 000 kr
Aurland gå 4H 3 000 kr
Vassbygdi ungdomslag 3 000 kr
Aurland Bridgeklubb 2 500 kr
Indre Sogn Kystlag 5 000 kr
Aurland Idrettslag 20 000 kr

D. Tilskot til drift av forsamlingshus og aktivitetsanlegg
Aurland jakt-og fiskelag 5 000 kr
Flåm samfunnshus 35 000 kr
Undredal ungdomslag 13 500 kr
Aurland skyttarlag 10 000 kr
Venner av kyrkjegarden i Aurdal 9 000 kr
Vassbygdi ungdomslag 5 000 kr
Aurland ungdomslag 10 000 kr
Ljom ungdomslag 5 000 kr
Vassbygdi grendahus(gamleskulen) 5 000 kr

E. Tilskot til utbetring av forsamlingshus og aktivitetsanlegg
Aurland ungdomslag 40 000 kr

F. Leiaropplæring, rettleiing og instruksjon
Flåm Musikklag 25 000 kr
Aurland gå 4H 2 000 kr
Aurland Idrettslag 10 000 kr

Sjå også: Sakspapir Kulturmidlar 2012