I dagens utgåve av Sogn Avis, torsdag 16.februar, vert det hevda at det er diesel i drikkevatnet som forsyner store deler av Aurland med vatn.
Det er påvist olje / dieselsøl på Vassbygdevatnet. Vassbygdevatnet er ikkje direkte kjelde for Aurland vassverk.
Aurland vassverk vert forsynt med vatn som kjem frå grunnvassbrønnar, som ligg ca 50 meter frå elva som renn frå Vassbygdevatnet. Det er ingen grunn til å tru at drikkevatnet er ureina etter brannen laurdag, som forårsaka olje/diselsølet. Det vert teke vassprøvar både frå vatnet og vassverket i dagane som kjem.
Tenesteleiar for Kommunal driftseining Reinhardt Sørensen
