I samsvar med Plan- og bygningslova § 12 - 10 vert det med dette kunngjort fylgjande reguleringsvedtak:
Reguleringsplan for Smiebakken
Plan og utvikling i Aurland kommune har i møte 01.02.2010 vedteke at framlegg til reguleringsplan for Smiebakken, vert lagt ut til offentleg ettersyn i medhald av Plan- og bygningslova § 12 - 10.
Føremålet med planarbeidet er å laga ein reguleringsplan som omhandlar bustadføremål, i samsvar med kommuneplan for Aurland. Planområdet er ei forlenging av bustadfeltet Rygg.
Framlegg til reguleringsføremål er bustadareal(einebustadar/kjedehus/tomannsbustadar, terrasseleilegheiter og rekkehus), køyrevegar, fortau, areal for kommunalteknisk anlegg og grøntstruktur. Det er lagt opp til 16 einebustadar/kjedehus/tomannsbustadar, 18 terrasseleilegheiter og 5 bueinheiter i rekkehus.
Reguleringsplan for Ty
Plan og utvikling i Aurland kommune har i møte 01.02.2010 vedteke at framlegg til reguleringsplan for Ty, alternativ 1-3, vert lagt ut til nytt offentleg ettersyn i medhald av Plan- og bygningslova § 12-10.
Føremålet med planarbeidet er å laga ein reguleringsplan som omhandlar bustadføremål, i samsvar med vedteken kommunedelplan for Aurlandsvangen – Dalen og kommuneplan for Aurland.
Framlegg til Reguleringsplan for Ty vert lagt ut i 3 alternativ:
Alternativ 1: Rekkehus
Alternativ 2: 2 bustadtomtar
Alternativ 3: 1 bustadtomt.
Framlegg til reguleringsføremål er byggjeområde for bustad, køyreveg, gang- og sykkelveg og parkeringsplass. I alternativ 3 er det teke med leikeareal.
Framlegg til planar er lagt ut til offentleg ettersyn på rådhuset i perioden 04.02.2010 – 19.03.2010. Planane vert og å finne på Aurland kommune sine heimesider: http://www.aurland.kommune.no, under ”planar/prosjekt”.
Innspel til planarbeida skal innan 19.03.2010 sendast til:
Aurland kommune, Kommunal driftseining, 5745 Aurland.
Nærare opplysingar om planarbeida kan ein få ved å vende seg til:
Aurland kommune, rådgjevar Jan Olav Møller, tlf 57 63 29 73.
