I følgje drikkevatnforskrifta § 23 andre ledd skal eigaren av vassverk sikre at abonnentane har tilgang til informasjon om drikkevasskvaliteten. Under følgjer eit samandrag av prøvetakinga som er gjort i 2017 for produsert vatn ved dei kommunale vassverka i Aurland, Flåm, Undredal, Gudvangen og Skjerping.

Om prøvetakinga
Prøvetakinga vert gjennomført ihht. prøvetakingsplan godkjent av Mattilsynet. Arbeidet vert gjennomført i samarbeid med Sogn Lab AS. Omfang av prøvetakingsplan vert sett etter ei risikovurdering for kvart einskild vassverk og leidningsnett, og vatnet vert jamleg testa for ei rekkje parameter:

Ammonium-N (NH4-N)
Turbiditet
E.coli
Intestinale
Enterokokker
Kimtal 22°C 3 døgn
Koliforme bakterier 37°C
Konduktivitet 25°C
pH, surhetsgrad
Radon
Silikater
Jern
Farge
Smak
Lukt
Karbondioksyd, fritt

Felles
Ingen av avvika er av vesentleg karakter med behov for varsling av verken Mattilsyn eller abonnentar.

Aurland

Tal prøver

195

Tal avvik

0


Flåm

Tal prøver

236

Tal avvik

4


4 av 51 prøveresultat for kimtal ligg over grenseverdi for analysetypen. Kimtal er eit mål for totalt tal bakteriar i vatnet, og omfattar naturleg forekommande mikroorganismar som finst i jord, næringsrikt vatn og på planterestar m.fl. Høge verdiar for kimtal har vanlegvis ingen helsemessig verknad, men kan indikere at leidningsnettet treng reinsing. Kimtal bør ikkje overstige 100 kim/ml vatn, og avvika i Flåm ligg mellom 100 og 300.

Undredal

Tal prøver

157

Tal avvik

15


15 av 23 prøveresultat for pH ligg under grenseverdien for pH. Grenseverdiane for pH er 6,5-9,5. Vatn med låg pH korroderer leidningsnettet, og bør difor unngåast. Avvika syner resultat rett i underkant av grenseverdien, og kan rettast ved tilsetjing av vannglas.

Gudvangen

Tal prøver

41

Tal avvik

0

 

Skjerping

Tal prøver

38

Tal avvik

0

 

Prøveresultata finn du her