Aurland kommune og tenesteeininga Kultur har ansvaret for eit mangfald av oppgåver og aktivitetar.
Nokre av oppgåvene er å tilrettelegge for at kommunen sine eigne innbyggarar og tilreisande kan drive fysisk aktivitet. Kommunedelplan for fysisk aktivitet og folkehelse med vedlegg 2016 - 2019 - vedteken av kommunestyret er det viktigaste styringsverktøyet vedrørande prioritering av tiltak.
Med omgrepet «fysisk aktivitet» meinar ein all fysisk aktivitet som tilfredsstiller Helsedirektoratet sine tilrådingar om dagleg fysisk aktivitet.
« Helsedirektoratet har gitt anbefalinger for ulike grupper:
-
Voksne bør drive fysisk aktivitet med moderat intensitet minimum 30 minutter daglig, for eksempel i form av en tur med rask gange der en blir varm og får økt puls. Dette er nok til å gi en helsegevinst for dem som tidligere bare har hatt lette daglige aktiviteter. Aktiviteten kan deles opp i mindre bolker, f. eks. 3 x 10 minutter.
Den største helsegevinsten kommer når man går fra å være inaktiv til å bli aktiv, deretter vil økt fysisk aktivitet gi ytterligere gevinst. -
60 – 90 minutter per dag anbefales for å forebygge overvekt.
-
For barn og unge anbefales minst 60 minutters variert daglig fysisk aktivitet med både moderat og høy intensitet. Aktiviteten kan deles opp i mindre bolker i løpet av dagen. «
For Aurland kommune er det viktig å ha dialog og kommunikasjon med innbyggarane både for å få kjennskap til behov og ynskjer, kva som fungerar bra og kva som ikkje fungerar så bra, og i det eit potensiale og høve til forbetring.
Doktoravhandling og spørjeskjema
Aurland kommune har fått forespørsel frå Anna Maria Urbaniak-Brekke ph.d kandidat som arbeidar med doktoravhandling vedrørande fysisk aktivitet og rekreasjon om å legge ut lenke til spørjeskjema som ho nyttar i arbeidet sitt. Aurland kommune er sjølvsagd positiv til det. Spørjeskjema omhandlar fleire tema relatert til fysisk aktivitet og rekreasjon.
Du kjem til spørjeskjema ved å følge lenka: https://no.surveymonkey.com/r/ZRGN833
Aurland kommune oppmodar alle innbyggarane til å bruke litt av tida si til å svare på spørsmåla. Aurland kommune vil få utarbeida ein rapport når arbeidet er avslutta.
Å svare på spørjeskjema skjer anonymt.