Besøk frå Ningbo Yinzhou distriktetVaraordføraren ynskte velkomen til Aurland og presenterte kommunen. Han trekte mellom anna fram vasskraft, beredskap, naturutfordringar, næring, reiseliv, cruiseturisme og miljø, og nytta høvet til å takka for det gode samarbeidet mellom Kina og Aurland knytt til reiseliv.

Huang Biying, viseformann av KFPRK i Ningbo Yinzhou distriktet, takka hjarteleg for besøket på vegne av delegasjonen. Ho presenterte det velståande industridistriktet nær Shanghai med eit innbyggjartal på om lag 1,3 millionar, og viste til deira arbeid for likestilling mellom distrikt og storbyar i Kina.